BUJANG sedikit takanjat baco berita Koran Sareks kemarin.’’Oi Pik, kubu di Air Hitam sano lah modern nian,’’cakap Bujang dengan suaro sedikit besak.
‘’Maksud kawan Jang, aponyo yang modern. Apo kawan kito tu lah mau tinggal di kota, sudah makan kentaki, dak tinggal lagi di hutan,’’tanyo Supik.
Bujang tamenung sejenak.’’Kini kubu di Air hitam sano sudah mitak dibuat KTP, katonyo untuk berobat di Puskesmas,’’jelas Bujang.
‘’Cam mano pulak dio pakai KTP, baco be dak biso. Nanti kalau dikasih obat, apo diok tahu caro minumnyo,’’kato Supik
Supik tersenyum. Selama ini diok sedikit tahu bahwa kubu masih kolot, dak punyo agamo, dak mao nurut peraturan. Tempat tinggal selalu pindah-pindah.
’’Pakek motor dak mau pake beha, bilang ditanyo polisi, dio bilang dak beli beha, tapi beli motor,’’kato Supik.
‘’Mano mau dio pake beha, emak-emak kubu dak jugo pakai Beha,’’balas Supik dengan nada melucu.
‘’Tapi pak Bupati HBA ketiko dialog dengan warga kubu di Air Hitam kemarin janji mao magih KTP. Biak diok biso berobat gratis di Puskemas,’’ungkap Bujang.
‘’Tapi baguslah program Pemkab tu, mano tau setelah punyo KTP, kubu mau ikut pemilu taun 2009 mendatang, kan mato pemilih bisa batambah,’’kato Supik.
Bujang melanjutkan, kedepan, sudah seharusnyo pemkab memberi perhatian penuh kepado kubu.
’’Sebab, bagaimano pun kehidupannyo, diok tu bagian dari warga negara Indonesia,’’jelas Bujang. (Bang Sareks)